ОВА СЕ 8 ЗНАЦИ ДЕКА ИМАТЕ РАК НА ДЕБЕЛО ЦРЕВО Обрнете внимание на сигналите што ви ги испраќа телото
Д-р Џозеф Салхаб, гастроентеролог, ги наведе првите знаци на рак на дебелото црево што му ги пријавиле младите пациенти. Еве на кои симптоми предупредува д-р Сахаб
Пред нешто повеќе од три години, д-р Џозеф Салхаб забележал пораст на бројот на луѓе на различни платформи на социјалните медиуми кои бараат совети за нивното дигестивно здравје. Тој бил загрижен за ширењето на неточни информации во одговорите на поставените прашања, првенствено затоа што во овие дискусии не присуствувале лекари.
– Како гастроентеролог, чувствував дека можам да бидам веродостоен глас, па почнав да снимам видео одговори во мојот автомобил и да ги објавувам на социјалните медиуми – и оттаму започна се! Луѓето едноставно почнаа да гледаат, да коментираат и да споделуваат видеа, па јас само продолжив, се сеќава тој.
Со повеќе од три милиони следбеници на платформи како Инстаграм, Фејсбук, Тик-Ток и Јутјуб, д-р Салхаб признава дека овој успех пријатно го изненадил.
Загрижувачки тегоби
Д-р Салхаб е гастроентеролог кој нуди услуги во болниците Advent Health во Давенпорт и Лејк Велс, обете лоцирани во Централна Флорида. Иако повеќето пациенти во болницата се над 50 години, тој вели дека сè повеќе гледа помлади луѓе кои доаѓаат со загрижувачки гастроинтестинални проблеми.
Во едно од своите видеа, популарниот доктор ги наведе првите знаци на рак на дебелото црево што му ги пријавиле младите луѓе. Сахаб конкретно предупредува за овие осум симптоми.
@thestomachdoc Young people should watch out for these warning signs of colon cancer Credit @Tanner & Shay | Cancer Fight #coloncancer #coloncancerawareness #ibs #guthealthforlife
1. Ректално крварење,
2. Необјаснета абдоминална болка што се јавува и се повторува,
3. Слабост и замор,
4. Промени во столицата и промени во редовноста на одењето во тоалет, без разлика дали станува збор за почест запек или дијареја што се јавува и трае подолго од неколку недели,
5. Слаб апетит,
6. Необјаснето губење на тежината,
7. Ноќно потење,
8. Зголемена телесна температура што се јавува и се повторува.
Загрижувачки е што ракот на дебелото црево сè повеќе ги погодува помладите возрасни лица. Сахаб нагласува дека раното откривање е клучно за успешно лекување.