МУРИЊО ГО САКА ДИМИТРИЕВСКИ Фенербахче тргна по македонскиот голман
Македонскиот голман би можел да застане меѓу стативите во тим предводен од славниот Жозе Мурињо. Фенербахче е подготвен да ја искористи ситуацијата со неговата ограничена минутажа во Валенсија и да го донесе во Истанбул. Иако конкуренција има од Франција и Италија, Турците засега се најрешителни во трката.
Жозе Мурињо и Столе Димитриевски во иста екипа – звучи како сценарио што би ги возбудило македонските љубители на фудбалот.
Турскиот великан Фенербахче сериозно го посакува македонскиот репрезентативен голман во своите редови.
Можеби ќе ве интересира
Димитриевски во последно време речиси и да не добива шанса во Валенсија, што предизвикало разочарување и желба да ја смени средината.
Прв кој официјално се обидел да го привлече е токму Фенербахче, а покрај него, интерес покажале и Лил од Франција и Џенова од Италија.
Сепак, турскиот клуб засега е најупорен во намерата да го обезбеди неговиот потпис.