ПОСТИГНАТ Е ДОГОВОР ЗА ПРЕКИН НА ОГНОТ ВО СИРИЈА Се апелира Друзите, Сунитите и Бедуините да го положат оружјето
Официјалниот договор сè уште не е потврден од спротивставените страни.
Израел и Сирија постигнаа договор за прекин на огнот, изјавија американскиот амбасадор во Турција и специјалниот претставник на САД за Сирија, Том Барак.
„Договорот за прекин на огнот во Сирија, по неодамнешните конфликти и израелските воздушни напади, беше прифатен од Турција, Јордан и други соседни земји“, објави Барак на платформата „X“, според Си-Ен-Ен.
BREAKTHROUGH —— Israeli Prime Minister @Netanyahu and Syrian President Ahmed al-Sharaa @SyPresidency supported by the U.S.A. @SecRubio have agreed to a ceasefire embraced by Türkiye, Jordan and its neighbors. We call upon Druze, Bedouins, and Sunnis to put down their weapons and…
— Ambassador Tom Barrack (@USAMBTurkiye) July 18, 2025
Тој ги повика Друзите, Бедуините и Сунитите да го положат оружјето и заеднички да изградат мирен и обединет сириски идентитет.
По израелските напади врз Дамаск во среда, кои ги погодија владините згради, вклучувајќи го и Министерството за одбрана, сириските власти потврдија најмалку три смртни случаи.
Привремениот претседател на Сирија, Ахмед ал-Шара, објави повлекување на армијата од покраината Сувајда, каде што претходно се водеа борби меѓу милициите на Друзите и бедуинските племиња, а владата објави ново прекин на огнот со фракциите на Друзите.
Israel and Syria agree to a ceasefire, U.S. envoy says https://t.co/toKWqnSAgd
— Axios (@axios) July 18, 2025
Официјалниот договор сè уште не е потврден од спротивставените страни.
Државниот секретар на САД, Марко Рубио, потврди дека сите страни се согласиле за „конкретни чекори“ за смирување на конфликтот, додека аналитичарите ја нагласуваат важноста на улогата на Турција и Јордан во спроведувањето на договорот.
Најмалку 321 лице загинаа во судирите во Свеида, додека сирискиот министер за информации Хамза ел Мустафа изјави дека се пронајдени 87 тела, без да го прецизира вкупниот број на жртви.