СДСМ НЕ МОЖЕ ДА НАЈДЕ КАНДИДАТ ШТО ЌЕ СЕ НАФАТИ ДА ИЗГУБИ ВО СКОПЈЕ Според информации на ВМРО-ДПМНЕ, еден архитект и еден адвокат веќе ги одбиле

СДСМ не може да најде кандидат за градоначалник за Скопје, немаат човек кој ќе се нафати на поразот, изјави денеска Валентин Манасиевски, член на Извршниот комитет на ВМРО-ДПМНЕ.

– Вистински дебакл се случува во СДС. Венко Филипче и СДС не можат да најдат кандидат за градоначалник за градот Скопје. Нашите информации говорат дека СДС добиле ладен туш од Мишко Ралев, кој не сакал да оди на избори на кои се знае дека ќе изгуби катастрофално. Ист одговор добиле и од еден скопски адвокат, близок до нивната партија, кој исто така не сакал да го носи дресот на губитник уште од објавувањето на кандидатурата. Нема човек во СДС кој ќе се нафати да ги изгуби изборите, а уште поголем е стравот, затоа што поразот ќе биде убедлив уште во првиот круг – изјави Манасиевски.

Според него, СДСМ не бара ниту програма, ниту визија кај кандидатот кој ќе го номинира, туку спремност да изгуби, на што очигледно никој не се нафаќа.

– Имаме порака до СДС, не барајте многу, поразот секако ќе ви биде огромен. Сметката за вашите лоши политики до сега ќе ви биде испорачана на есен на локални избори – додаде Манасиевски.