🎥 РУСИЈА ЈА НАПАДНА УКРАИНА СО РЕКОРДНИ 718 ДРОНОВИ И СО 7 КРСТОСУВАЧКИ РАКЕТИ Луцк претрпе сериозни удари, Полска на готовс
Градоначалникот на областа Волин, Иван Рудницки, изјави дека речиси целиот руски напад бил насочен кон украинскиот град Луцк, каде што во текот на ноќта во воздушниот простор биле присутни 50 дронови и 5 ракети.
Москва изврши, според сè изгледа, еден од своите најголеми ракетни и дронски напади врз повеќе украински градови во текот на ноќта, објави Јуроњуз.
Русија лансираше рекордни 728 дронови врз неколку украински градови, соопшти украинското воено воздухопловство во средата.
Воздухопловните сили објавија на Телеграм дека се соборени 718 дронови и 7 крстосувачки ракети, што претставува еден од најголемите напади на Москва во трите години од почетокот на војната во Украина.
Десетици руски нападни дронови и балистички ракети биле насочени кон региони во западна Украина, а прелети на дронови биле пријавени во градовите Луцк, Лавов, Хмелницки и во Тернопил.
Западниот град Луцк бил особено тешко погоден, според локалните медиуми, со експлозии што се слушале во раните утрински часови во средата.
Градоначалникот на областа Волин, Иван Рудницки, изјави дека „речиси сè“ било насочено кон Луцк, каде што во текот на ноќта во воздушниот простор биле присутни 50 дронови и 5 ракети.
Во Киев, градоначалникот Виталиј Кличко соопшти дека руски дронови го нападнале центарот на градот, а противвоздушната одбрана дејствувала и соборувала цели.
Најмалку едно лице е повредено во градот Бровари, во поширокиот регион на Киев, соопштија од регионалната воена администрација.
Полските авиони на готовс
Полски и сојузнички воени авиони утрово полетаа за да го заштитат полскиот воздушен простор, соопшти Оперативната команда на полските вооружени сили.
Тревога беше огласена откако Русија почна воздушни напади врз западна Украина, во близина на полската граница.
Поголемиот дел од западна Украина беше во воздушна готовност речиси 3 часа по предупредувањата од украинските воздухопловни сили за напад со руски ракети и беспилотни летала.
Русија собори 86 украински дронови
Руската противвоздушна одбрана собори 86 украински дронови во текот на изминатата ноќ, соопшти руското Министерство за одбрана.
Според Министерството, 23 дрона биле неутрализирани над Курската област, 16 над Брјанската област, а 15 над Тулската област.
Два дрона биле насочени кон Москва и биле уништени, додаваат од Mинистерството.
Руската инвазија врз Украина започна на 24 февруари 2022 година и оттогаш постојано се еволуира во тактички и во технолошки поглед. Во првата година доминираше копнена инвазија и артилериски судири, но во последните 12 месеци војната сѐ повеќе се води и во воздух — со масовна употреба на беспилотни летала, прецизни ракети и сложени системи за противвоздушна одбрана.
Украина, со поддршка од Западот, вложи значителни ресурси во развој на сопствени дронски капацитети, што доведе до зголемување на ударите на длабочина во руска територија, вклучително и напади врз Москва.
Од своја страна, Русија користи дронови „Шахед“, но и сопствени крстосувачки и балистички ракети, во координирани и масовни напади со цел да ја исцрпи украинската противвозудшна одбрана и да предизвика колапс на критичната инфраструктура.
The drone arms race is officially here.
Ukraine just faced the largest drone assault of the conflict – and possibly in history.
Russia apparently launched 728 drones and 13 missiles in a single night.#Ukraine #Russia
pic.twitter.com/xrj7JcpLlA— Sonia Beloch (@sonia_0707_) July 9, 2025