„ФИЛИПЧЕ ДА СЕ ИЗВИНИ И ДА ПОДНЕСЕ ОСТАВКА“ Дали лидерот на СДСМ е ортак во бизнисот на Заев во Дубаи?

Вистината е една, а лагите можат да бидат многу, реагираше ВМРО-ДПМНЕ преку соопштение.

„И затоа, СДСМ и Венко Филипче, се повеќе се плеткаат во нивната мрежа на лаги и не знаат кога што кажале. Денес зборуваат едно, утре друго. Филипче, кој е воодушевен од неговиот ментор Зоран Заев, слепо тргнал по неговите стапки, дење да зборува едно, ноќе друго. Венко Филипче прво негираше дека има златна виза за Дубаи, за потоа да потврди дека ја поседува. Иако сите знаат дека таква виза се стекнува со инвестирање од над 500 илјади долари, СДСМ го брани дека Филипче не поседува бизниси во Дубаи, но не кажува како ја стекнал златната виза. Откако се заплеткаа во сопствените лаги, повикуваме СДСМ и Филипче да не молчат како што молчеа за скандалите со дрога на нивните функционери и активисти. И наместо да смислуваат разни лаги и изговори, треба само да ја кажат вистината, дали преку инвестиции Филипче се стекнал со златната виза? Дали Филипче е ортак во бизнисот на Заев, кој во Дубаи гради облакодер од 50 ката?“, се вели во соопштението на ВМРО-ДПМНЕ.

Златната виза за Дубаи може се добие и за студирање медицина со потврда од Министерството за здравство од ОАЕ, наведено е таму.

„Па затоа, го прашуваме Филипче, дали студирал медицина во Дубаи и ако студирал, кога и дали има потврда од Министерството за здравство од ОАЕ? Очекуваме Филипче да ја покаже потврдата за студирање во Дубаи. Но, доколку ја нема веднаш треба да си поднесе оставка, да се извини на јавноста и да одговори како и со кои пари стигнал до златната виза? Заев и Филипче со години ја ограбуваа државата и го осиромашуваа народот, за сега со украдените пари да инвестираат во Дубаи и да добиваат златни визи. Затоа што со чиновничка плата, макар таа била премиерска, министерска или на пратеник, не се стига до инвестиција од над 500.000 долари. СДСМ и Филипче се синоним за неспособност, криминал и за корупција“, се вели во соопштението на ВМРО-ДПМНЕ.