БРУКА ЗА ГИГАНТОТ ОД ОЛД ТРАФОРД Нема ручек, нема билети, само скара за играчите на Јунајтед по финалето
Од клубот велат дека целта е што повеќе билети да завршат кај навивачите, но критиките за прекумерно штедење не стивнуваат. Манчестер Јунајтед и Тотенхем имаат по 15.000 билети на располагање.
Манчестер Јунајтед продолжува со рестриктивните мерки за штедење, кои сега ги погодија и самите фудбалери. Според британските медиуми, управата на клубот донела одлука секој играч да добие само два бесплатни билети за финалето на Лигата на Европа против Тотенхем, кое ќе се одигра на 21 мај во Билбао.
Покрај тоа, фудбалерите ќе имаат можност да купат уште максимум десет билети, а сите останати вработени во клубот нема да добијат ниту еден бесплатен билет – нешто што досега беше редовна пракса.
Од клубот велат дека целта е што повеќе билети да завршат кај навивачите, но критиките за прекумерно штедење не стивнуваат. Манчестер Јунајтед и Тотенхем имаат по 15.000 билети на располагање.
Најавите од Олд Трафорд велат дека дури и во случај на освојување на титулата, нема да има луксузна забава. Наместо прослава во ексклузивен ресторан, ќе се организира обична скара во тренинг-центарот „Карингтон“.
Мерките за штедење започнаа откако Џим Ратклиф, британски милијардер, стана најголем поединечен акционер во клубот. Прво беа отпуштени 250 вработени, потоа беа зголемени цените на некои категории билети, а вработените останаа и без бесплатен ручек.
Последниот европски трофеј Јунајтед го освои во 2017 година, кога го совлада Ајакс со 2-0 во финалето во Стокхолм.