СЀ ПОТЕШКО НИ Е ДА ДРЖИМЕ ПЕНКАЛО ВО РАКА Децата имаат проблем со моториката, ама имаат и возрасните
Наместо да играат со коцки, да цртаат и да бојат, децата сè повеќе пасивно гледаат видеа или допираат екрани. Дали се екраните виновни затоа што на децата им е сѐ потешко да си ги врзат чевлите и да држат пенкало во рака? А кој им е виновен на возрасните за истото?
Пред извесно време, се најдов во ситуација да треба да напишам рачно повеќе пораки за различни луѓе. Се зачудив од тоа колку лошо изгледаше тоа. Не само што ракописот ми беше ужасен, туку во неколку наврати и ги мешав кириличните и латиничните букви.
А јас дефинитивно не сум од генерацијата која се родила во време на интернетот. Напротив, додека растев немаше ниту мобилни, ниту компјутери, ниту интернет.
Имаше фиксни телефони, а писма и честитки се пишуваа рачно и се испраќаа по пошта. Имавме телевизори, видео-рекордери и изнајмувавме филмови од видеотеки, имавме музички системи и слушавме цедеа и плочи, ама за сето тоа да функционира, моравме да прочитаме, да одбереме, да го фатиме со рака. Пишувавме исто така, главно, на рака или, подоцна, за време на студиите, со машини за чукање, ама тоа само за семинарски.
Но јас сум и во генерацијата која толку многу се навлече на мобилните телефони, на интернетот и на компјутерите, што сега моите средовечни пријатели не можат да направат нешто или да отидат некаде, без да го објават тоа на социјалните мрежи. Не можат, а и не сакаат да напишат ништо без помош на вештачка интелигенција и се добива впечаток како претходно да немале дијаметрално спротивен живот од сегашниов, на социјалните мрежи.
И потоа се чудиме и постојано размислуваме за тоа зошто се младите зависни од екраните?!
А какви да бидат покрај нас вакви?!
Повеќе за ова прочитајте на порталот „Мајка и дете“.