📷 ПО БЕН АФЛЕК, ГО „УЛОВИ“ ПОСИНОКОТ НА КУБАНСКИОТ ПРЕТСЕДАТЕЛ Ана де Армас повторно најде среќа во љубовта
Една од најубавите жени на светот, кубанската актерка Ана де Армас (36), неодамна беше видена на романтична прошетка со Мануел Анидо Куеста.
Една од најубавите жени на светот, кубанската актерка Ана де Армас (36), неодамна беше видена на романтична прошетка. Таа била во друштво на Мануел Анидо Куеста, чиј очув е кубанскиот претседател Мигел Дијаз-Канел Бермудез.
Папараците ги уловија за време на прошетка со кучето на Ана, при што се држеа за рака. Во еден момент разменија нежни бакнежи, поради што се шпекулира дека се работи за нова врска.
Деталите за оваа наводна романса сè уште не се официјално познати, но кубанскиот инфлуенсер Александар Отаола претходно за „Латин тајмс“ изјави дека почнале да се забавуваат уште во мај и дека вешто ја чуваат својата врска подалеку од очите на јавноста.
View this post on Instagram
Љубовниот живот на оваа актерка често беше интересен за медиумите. Пред Мануел, Ана беше во врска со извршниот директор на Тиндер, Пол Букадакис, со кој последен пат беше фотографирана во април минатата година.
Но, една врска на Ана де Армас особено се памети. Се разбира, станува збор за врската со актерот Бен Афлек, со кој глумеше во трилерот „Длабока вода“. Тие се запознале на снимањето на филмот и набрзо започнале врска.
Нивната љубов стана особено интересна во текот на пандемијата на коронавирусот. Ана и Бен дури извесно време живееја во неговата вила, а беше блиска и со неговите три деца.
Де Армас подоцна целото медиумско внимание го нарече ужасно, а наводно токму тој притисок е причината што таа конечно се преселила во Вермонт во 2021 година.
Според извор кој тогаш зборувал за магазинот „Пипл“, Ана не сакала да биде врзана за Лос Анџелес. Бен, пак, морал да остане таму поради децата, што набрзо довело до раскинување со нивната врска.