ДЕЧКО Ѝ ЈА ПОЛИЛ СО БЕНЗИН ПРЕД ОЧИТЕ НА НЕЈЗИНИТЕ ДЕЦА И ЈА ЗАПАЛИЛ Олимписката маратонка Чептеги почина во болница
Ребека Чептеги, која се натпреваруваше на маратонот на Олимпијадата во Париз и го освои 44. место, се лекуваше во болница во Елдорет, западна Кенија, откако претрпе „повеќе од 80%“ изгореници на телото.
Угандската маратонка Ребека Чептеги (33) почина од изгореници откако нејзиниот партнер ја запалил, објави денеска Олимпискиот комитет на Уганда.
„Ја дознавме тажната вест за смртта на нашата олимписка атлетичарка Ребека Чептеги по насилниот напад од нејзиното момче, нека нејзината душа почива во мир и најостро го осудуваме насилството врз жените. Тоа беше кукавички и бесмислен чин кој доведе до загуба на голем спортист. Нејзиното наследство ќе живее“, порача првиот човек на Олимпискиот комитет на Уганда, Доналд Рукаре, во објава на социјалната мрежа Икс.
Чептеги, која се натпреваруваше на маратонот на Олимпијадата во Париз и го освои 44. место, се лекуваше во болница во Елдорет, западна Кенија, откако претрпе „повеќе од 80%“ изгореници на телото.
Член на болничкиот персонал изјави дека нејзината состојба се влошила откако „развила бактериска инфекција“.
Според полицискиот извештај, осомничениот, идентификуван како Диксон Ндиема Марангач, влегол на имотот на Ребека Чептеги додека таа била во црква со своите деца.
Кога се вратиле од црквата ја полеал со бензин и ја запалил пред очите на децата, две девојчиња на возраст од 9 и 11 години.