ЗОШТО ДЕЦАТА ОД ИСТО СЕМЕЈСТВО СЕ ТОЛКУ РАЗЛИЧНИ? Дали однесувањето и карактерот на родителите влијаат на формирањето на личноста на детето?
Дали едно непослушно, хиперактивно двегодишно дете би било посмирено со потрпелива мајка? И, дали екстровертните родители воспитуваат исти такви деца? Има сѐ повеќе докази дека карактерот и однесувањето на родителите, колку и да се добри, имаат мало влијание врз формирањето на личноста на детето. Невробиолозите објаснуваат зошто е тоа така…
Дали некогаш сте размислувале во каква личност ќе порасне вашето дете и кој е одлучувачки фактор во неговиот развој? Дали однесувањето на мајката може да ја обликува личноста на детето или барем да влијае на тоа? Според научните сознанија, вие веќе сте го направиле најголемиот дел од тоа „обликување“ – со едноставно пренесување на вашите гени.
Половина од нашите карактерни црти ги наследуваме од родителите. Тоа значи дека гените (природата), околината во која живееме и начинот на кој сме воспитани влијаат на нашиот карактер колку и она што го наследуваме. Ова сознание ќе биде големо и веројатно непријатно изненадување за повеќето родители кои веруваат дека нивното влијание е одлучувачко во формирањето на детето.
Откако Фројд утврди дека детството е клучниот период за разбирање на сите појави во човечката раса, психологијата бара одговори за сите форми на однесување во најраните искуства. Според оваа теорија, лошиот однос со родителите е причина за формирање на интровертна и огорчена личност, додека растењето во големо семејство (со многу деца) е причина за изразената натпреварувачка природа на личноста и потребата за доминација. Сепак, ниту ова не е сосема точно.
Повеќе за ова на „Мајка и дете“.