📷 НОВИОТ КРАЛ НА ДАНСКА ПУШТИ СОЛЗИ Ќе бидам крал обединител, цел живот се подготвував за тоа, порача Фредерик Х
Кралот Фредерик Х изгледаше искрено изненаден од бројноста и реакција на граѓаните собраните во Копенхаген за неговата инаугурација, па на момент пушти и солзи, тој ѝ оддаде почит на својата мајка, кралицата Маргарета и рече дека секогаш ќе биде запаметена како „извонредна кралица“.
Изговарајќи ги трипати зборовите: „Да живее кралот Фредерик“ од балконот од палатата Кристијанбург во Копенхаген, данската премиерка Мете Фредериксен го прогласи Фредерик Х за крал на Данска, Гренланд и на Фарските острови.
Од истиот балкон, кралот Фредерик го одржа својот прв говор велејќи дека се надева дека ќе стане крал обединител.
-Тоа е задача за која се подготвував целиот мој живот. Тоа е задача што ја прифатив со гордост, почит и радост – рече кралот Фредерик.
Неговите зборови наидоа на одобрување од десетици илјади собрани граѓани.
Новиот дански крал ѝ оддаде почит на својата мајка и рече дека секогаш ќе биде запаметена како „извонредна кралица“.
Кралот Фредерик Х изгледаше искрено изненаден од бројноста и реакција на граѓаните собраните во Копенхаген за неговата инаугурација, па на момент пушти и солзи, соопшти Би -Би -Си.
На новиот крал на Данска потоа на балконот му се придружија неговата сопруга Мери и нивните четири деца поздравувајќи ги собраните граѓани.
Поединци имаа круни на главата, некои пиеја шампањ, а некои мавтаа со знамиња на Данска.
Кралицата Мери беше облечена во бело и ги воодушеви присутните со своето елегантно издание. Таа е првата граѓанка родена во Австралија, кој стана кралица на Данска.
Фредерик Х беше прогласен за крал на Данска откако кралицата Маргарета формално потпиша абдикацијата во кабинетот со што го заврши нејзиното 52-годишно владеење на данскиот трон.
Таа ја напушти просторијата со солзи во очите, велејќи: „Бог нека го чува кралот“.