🎥 РОДИТЕЛИТЕ Ѝ ДАВААТ 1.000 ЕВРА ДА СТАНЕ ОД КРЕВЕТ Натпреварувачка на црногорскиот натпревар во лежење по 43 дена сѐ уште не е одморена!
На годинешниот црногорски натпревар во лежење беа соборени сите досегашни рекорди, поради што натпреварувачите може да влезат во Гинисовата книга на рекорди.
Во црногорското село Брезна, недалеку од Никшиќ, натпреварувањето во лежење трае веќе 43 дена, а од 21 натпреварувач кои беа таму на почетокот, тројца од нив останаа да се борат за награда од 1000 евра. Меѓу нив е и 23-годишната Лидија Марковиќ од Никшиќ, која вели дека се чувствува „како да легнала вчера“ и дека на натпреварот дошла да се одмори.
Инаку, девојката стана хит откако кажа дека родителите секојдневно доаѓаат кај неа и бараат од неа да се откаже од натпреварувањето. Родителите и понудиле 1.000 евра за да стане, но таа упорно ги одбивала и им велела дека ќе стане кога ќе и здосади.
– Не сум тука за тоа, туку за да се победам себеси. Ова е психолошка игра, ова не е само за наградата – вели Лидија.
Таа нагласува дека парите не и се главен мотив на овој необичен натпревар.
– Моите дојдоа и ме молеа да станам, ми даваа 1.000 евра, но не. Сакам да победам, одам до крај, затоа дојдов – вели 23-годишната девојка од Никшиќ.
Лидија вели дека ужива во натпреварот и дека по повеќе од еден месец лежење, сѐ уште не е одморена
– Воопшто не е тешко. Сѐ уште не сум одморен и не планирам да станам. Ништо не е тешко. Дојдов овде да се одморам и навистина уживам. Синоќа после полноќ прославивме илјада часа. Почна 43-от ден. Не ми се чини дека лежам толку. Јас немам конкуренција – изјави девојката за емисијата Јутро на прва и ги откри правилата на натпреварувањето.
– Се е дозволено, само треба да лежиме. На секои 8 часа стануваме, имаме 15 минути пауза. Првата пауза ја користам во 10 часот наутро за да се истуширам, втората во 18 часот. Користам да ја мијам косата, а потоа се враќам во кревет да ја исушам косата. Се снаоѓам лежејќи. Паузата по полноќ ја користам за тренинг. Потоа ја користам можноста да трчам што повеќе – објасни таа.
На годинешниот црногорски натпревар во лежење беа соборени сите досегашни рекорди, поради што натпреварувачите може да влезат во Гинисовата книга на рекорди.