ВАКА ПУКНА РУСКАТА ЦАРСКА БОМБА Најголемата бомба некогаш тестирана била фрлена во 1961 година (ВИДЕО)

Утрото на 30 октомври 1961 година, Советскиот Сојуз го изврши тестот на познатата Цар Бомба, хидрогенска бомба која беше најмоќното нуклеарно оружје некогаш создадено и тестирано, пишува ИФЛ Наука.

Цар-бомбата носеше удар од над 50 мегатони, што е еквивалент на 50 милиони тони конвенционален експлозив. Тоа е 10 пати помоќно од целата муниција потрошена за време на Втората светска војна и над 1.500 пати поголема од силата на атомските бомби фрлени врз Хирошима и Нагасаки заедно.

Официјално познат како советски RDS-220 , Цар Бомбата грубо се преведува како „Кралот на бомбите“. Имаше и голем број други прекари и кодни имиња, вклучувајќи ги Големиот Иван, Проект 7.000, ЈОЕ 111 или Мајката на Кузка  – руски израз што во суштина значи „ќе ви одржиме лекција на брутален начин“.

Во 2020 година, руската државна корпорација за атомска енергија „Росатом“ објави досега невидена видео снимка од тестот, иако видеото оттогаш беше отстрането од Јутјуб. Потоа Ројтерс ја реобјави снимката. Коментарите за видеото се исклучени.

Бомбата беше фрлена над “ртот на островот Северни на архипелагот Новаја Земља во северна Русија. Беше толку моќna што мораше да биде фрленa од авион со прикачен падобран за да се осигура дека екипажот има доволно време да ја избегне експлозијата што следеше. Па сепак било неизвесно дали екипажот ќе преживее.

Во блесок од бела светлина, бомбата создала огнена топка широка 8 километри, што на крајот кулминираше со облак од печурки кој се искачи на 64 километри во височина.

– Облаците под авионот и во далечината беа осветлени од моќниот блиц – се сеќава советскиот снимател кој ја набљудувал експлозијата.

– Морето светло се рашири под отворот, па дури и облаците почнаа да светат и станаа проѕирни. Во тој момент, нашиот авион излезе помеѓу два слоја облаци и долу во празнината се појави огромна светло портокалова топка – додава тој.

– Топката беше моќна и арогантна како Јупитер. Полека и тивко се вовлекуваше нагоре. Пробивајќи го дебелиот слој облаци, таа постојано растеше. Се чинеше дека топката ја вшмукуваше целата земја во неа.

– Спектаклот беше фантастичен, нереален, натприроден.

Звучи неверојатно но, бомбата била фрлена на само 54 километри од градот Северни. Се смета дека сите дрвени и тули згради во градот биле веднаш избришани. Бројот на човечки жртви никогаш не е откриен. Не се знае дали градот Северни бил населен во тоа време.

Било објавено и дека биле скршени прозорци во Норвешка и Финска. И покрај сета моќ на експлозијата, таа предизвика изненадувачки малку последици благодарение на дизајнот на бомбата.

Руската Цар бомба била преголема и непрактична за некогаш да се користи. Всушност, зачудувачките размери на експлозијата често се наведуваат како една од движечките сили за Договорот за делумна забрана на нуклеарни тестови во 1963 година, во кој САД и СССР се согласиле да ги запрат тестовите на атомски бомби во атмосферата, во вселената и под вода.

За жал, овие монструозни оружја сè уште се собираат низ светот. Постојат приближно 12.700 нуклеарни боеви глави ширум светот заклучно со март 2022 година. Речиси 90 проценти од нив припаѓаат на две земји, САД и Русија, додека останатите 1.200 се во рацете на Велика Британија, Франција, Кина, Индија, Пакистан, Израел и на Северна Кореја.