БЕСА БИ РАЗГОВАРАЛА ЗА УКИНУВАЊЕ НА БАДЕНТЕР Касами вели отворени сме за дијалог

Партијата Беса е подготвена да разговара за укинување на Бадентеровиот принцип и балансерот, но под услов да се воведе нов механизам за унапредување на правата на немнозинските заедници.

– Можеби не е дојдено сега времето да се укине Бадентер. Но ако се расправа за ова прашање, тогаш сме отворени за разговор, но само во во правец на подобрување на правата на етнички заедници. Меѓунарадното право не познава можност со демократски механизми да се уназадат правата на немнозинските заедници, така што сме подготвени да разговараме и за таа тема, но во правец на подобрување на правата на сите етнички заедници, освен македонската, која ја има и државотворноста и сите права кои другите не ги уживаат – рече денеска на прес конференција во Тетово претседателот на Беса Билал Касами.

Тој рече дека неговата партија ги подржува најавени уставни измени, но рече дека е дојден моментот кога треба да смени одредбата 20 отсто со албански јазик. Касами информираше дека вчера разговарал со специјалниот германски пратеник Мануел Сарацин за нивната позиција околу уставните измени и за исфрлање на одредбата 20 отсто.