СЕ ПОЈАВИЈА СНИМКИ ОД ЕВАКУАЦИЈАТА ВО ХЕРСОН Не ја исклучуваме можноста за гранатирање на десниот брег (ВИДЕО)
Не ја исклучуваме можноста за гранатирање на десниот брег и затоа бараме цивилите да се движат на левата страна за да се избегнат жртви, рече прорускиот лидер на Херсон и предупреди неговите зборови да бидат сфатени сериозно.
На социјалните мрежи почнаа да се шират снимки од масовната евакуација на цивили од Херсон, украински град под руска окупација. Да потсетиме, проруските лидери на Херсон најавија дека планираат да евакуираат 50-60 илјади цивили во следните шест дена поради украинската контраофанзива која „може да се случи наскоро“. Покрај тоа, влезот на цивили во регионот Херсон беше забранет за една недела.
Претходно, прорускиот лидер на Херсон, Кирил Стремусов изјави дека „битката за Херсон ќе започне во блиска иднина“.
Evacuation from Kherson region in full swing — Kremlin-installed officials say they are preparing for battle, aim to move 50-60K people “deeper into Russia” in a week, and entry into the region has been banned to civilians. Putin also plans to meet Sec Council today 🧐 pic.twitter.com/2SborTue66
— Mary Ilyushina (@maryilyushina) October 19, 2022
– Ве молам, сфатете ги сериозно моите зборови и разберете дека тие значат најбрза можна евакуација – рече тој во доцната ноќна објава на Телеграм.
Тој повторно збортуваше утринава велејќи дека „ситуацијата не е променета“.
– Не ја исклучуваме можноста за гранатирање на десниот брег и затоа бараме цивилите да се движат на левата страна за да се избегнат жртви – додаде тој.