„СКОПСКА“ И СЀ Е МОЖНО! Купете си билет преку новата апликација на ЈСП
Апликацијата нуди низа поволности, меѓу кои основните за електронско купување и валидирање на билет, а располага и со алатки (возен ред, мапа на постојки, рута на планирање и друго) кои во голема мера го олеснуваат користењето на јавниот превоз.
Јавното сообраќајно претпријатие (ЈСП) информира дека од неодамна целосно функционална е мобилната апликација „Скопска“ која претставува замена за неперсонализираната електронска картичка „Скопска“. Тоа е практично виртуелна автобуска карта.
Апликацијата е достапна за корисници на паметните мобилни телефони со Android или IOS оперативен систем.
Апликацијата нуди низа поволности, меѓу кои основните за електронско купување и валидирање на билет, а располага и со алатки (возен ред, мапа на постојки, рута на планирање и друго) кои во голема мера го олеснуваат користењето на јавниот превоз.
– Во изминативе неколку месеци, апликацијата ги мина сите фази на тестирање и очекуваме дека нејзините корисници нема да се соочат со проблеми од техничка природа, а во спротивно можат да пријават проблем и слично на [email protected]. Ја создадовме аликацијата водејќи се со паролата „Биди во чекор со дигиталниот свет“, а како уште една дополнителна поволност за побрзо и поквалитетно користење на услугите на јавниот превоз во градот. И натаму корисниците на јавниот превоз билет можат да купат/валидираат со електронска картичка „Скопска“, со опцијата Mobipay (мобилно плаќање), а може да се купи и хартиен билет во билетарниците на ЈСП Скопје – информираат од ЈСП.