„НЕ“ ЗА ФИНСКА И ШВЕДСКА ВО НАТО ОД ЕРДОГАН Тие земји се дом на терористички организации
Како Турција, не сакаме да повторуваме слични грешки. Понатаму, скандинавските земји се гостилници за терористички организации. Тие (организации) се дури и делови од парламентот во некои земји. Не е можно ние да бидеме „за“, рече Ердоган.
Турскиот претседател Реџеп Таип Ердоган денеска изјави дека не е возможно Турција позитивно да гледа на плановите на Шведска и Финска за пристапување во НАТО. Тој рече дека двете земји се дом на многу терористички организации, јавува Ројтерс.
Веќе 70 години Турција го поддржуваше проширувањето на Алијансата, но сега е против.
– Како Турција, не сакаме да повторуваме слични грешки. Понатаму, скандинавските земји се гостилници за терористички организации. Тие (организации) се дури и делови од парламентот во некои земји. Не е можно ние да бидеме „за“ – додаде тој.
Во меѓувреме, Русија се спрема за одговор на можното членство на Финска и Шведска. Рускиот претседател Владимир Путин денеска разговараше со членовите на Советот за безбедност за потенцијалното членство на Финска и Шведска во НАТО. Кремљ вчера соопшти дека намерата на Финска да се приклучи на воениот блок предводен од САД е непријателски потег што ја загрозува безбедноста на Русија, и вети дека ќе одговори.