РУСИЈА ПОДГОТВУВА РАКЕТЕН НАПАД НА ОДЕСА Зеленски и се обрати на нацијата

Украинскиот претседател Володимир Зеленски денеска, во телевизиско обраќање до нацијата, изјави дека руските сили се подготвуваат да го бомбардираат градот Одеса, на украинскиот брег на Црното Море.

– Ракети против Одеса? Тоа ќе биде воено злосторство – рече тој во обраќањето.

Зеленски вчера во видео порака кажа дека руската армија не ги постигна своите цели, а во 10-дневните борби загинале речиси 10.000 руски војници. Меѓутоа, оваа бројка не може да се потврди од независен извор и е многу поголема од 498-те смртни случаи што Москва ги призна претходно неделава.

Зеленски ги повика своите сонародници да ги протераат рускитее сили од Украина.

– Мораме да излеземе! Мора да се бориме! Секогаш кога ќе се укаже прилика, додаде украинскиот лидер.