САМО ОБЈЕКТОТ НА РУЗВЕЛТОВА ЧИНИ НАД 300.000 ЕВРА Арсовски бара итно да се стопира продажбата на АД Славија
СДСМ ќе ја оштети државата за 20 милиони евра, односно ќе се здобие некој близок на СДСМ до власта со имот од над 20 милиони евра, за само 218.000 евра, истакна портпаролот на ВМРО-ДПМНЕ, Димче Арсовски.
Објектот на „Славија“ на Рузвелтова е третиот важен објект кој сакаат да го присвојат блиски луѓе од СДСМ, а тоа значи дека во пакетот за 218.000 евра влегува и овој имот кој чини над 300.000 евра, истакна денеска портпаролот на ВМРО-ДПМНЕ, Димче Арсовски.
– Замислете, оваа локација позади мене, трета која ја презентираме по ред, стара Славија на Рузвелтова позната помеѓу скопјани, изнесува стотици метри квадратни објект кој е во постапка на приватизација, а кој потоа преку АД Славија ќе може да изврши и откуп на земјиштето под објектот односно со целиот двор којшто им следува. Јавно прашуваме, дали оваа локација која е на АД Славија, со стотици метри квадратни објекти и уште толку земјиште кое треба да и припадне на АД Славија, дали вреди многу повеќе од 218.000 евра? Да, вреди, само ова земјиште вреди многу повеќе од 218.000 евра за сумата за која што сакаат сите земјиште и објект да ги продадат. Само ова земјиште позади со објектот според одредени проценки чини над 300.000 евра. Значи 300.000 евра на сред Рузвелтова во Скопје. Ова што се обидува власта да го направи со продажбата на АД Славија е вистински криминал во најава, раскрчмување на државниот имот и обезвреднување пред продажбата. За ова некој сериозно ќе одговара. Затоа, повикуваме, јасно и гласно, уште веднаш, денес, да се стопира одлуката за продажба на АД Славија под вакви услови, каде што СДСМ ќе ја оштети државата за 20 милиони евра, односно ќе се здобие некој близок на СДСМ до власта со имот од над 20 милиони евра, за само 218.000 евра – порача Арсовски.
Веднаш, уште денес, додаде тој, да се стопира продажбата на АД Славија.
– Тоа е решението на овој криминал во најава да не се случи и да не се оштети државата. Откажување од продажба под вакви околности, инаку доколку не се откаже ќе има соодветни поднесоци до институциите за сите одговорни кои што ќе бидат директно или индиректно инволвирани во овој криминал во најава за да сносат одговорност. Нека бираат, чесна работа за граѓаните и државата или затвор – рече Арсовски.