ДНК И YOUNG DADI СО НОВА ПЕСНА И СПОТ „Ваков таков“ e трап-дует со младешка енергија (ВИДЕО)
„Снимивме дует со, според нас, еден од најперспективните алтернативни трап артисти, за кој спотот го направивме за време на забавата на која го испраќавме за Мадрид на студии“, велат Панчо и Андреј од ДНК за Young Dadi.
„Ваков таков“ е најновото музичко парче кое излегува од работилницата на ДНК. Темата е всушност соработка на Панчо и Андреј со Young Dadi, трап-артист чие време допрва доаѓа, откриваат музичарите.
Видете како тоа звучи.
– Снимивме дует со, според нас, еден од најперспективните алтернативни трап артисти, за кој спотот го направивме за време на забавата на која го испраќавме за Мадрид на студии. Решивме токму забавата да ја преточиме во видео заради одличната енергија и позитивните луѓе кои беа присутни, а и затоа што сето тоа беше само надополнување на позитивата во песната. Позитивна песна, позитивни луѓе, интересен спој и се роди „Ваков таков – велат Панчо и Андреј од ДНК.
Текстот на песната е со потписот на Панчо и Young Dadi, додека музиката е заедничко дело на Панчо, Лазе и Борис Какуринов од бендот Дупер. Зад аранжманот стои Лазар Цветкоски со мала помош од Борис, во чие LCV студио и е продуцирана и снимена.
„Ваков таков“ е мастеризирана во Лондон од страна на Streaky. Веќе стандардно песната е пуштена во исто време и со спот, снимен од Пако, а спакуван од Ѓуле.
„Уживајте во новото музичко парче на ДНК и Young Dadi, и без разлика дали сте вакви или такви, останете ПОЗИТИВНИ!“, порачуваат Панчо и Андреј.
Еве дел од атмосферата на журката.