ДОМ и ЛДП преку граѓанското движење на Центарот нудат „Излез од маглата“
ЛДП и ДОМ не се согласуваат со предложениот Изборен законик кој не е во прилог на развој на демократијата, туку ги фаворизира интересите на големите партии, рече претседателот на ЛДП Горан Милевски.
Лидерите на Зелената партија ДОМ, Маја Морачанин и на ЛДП, Горан Милевски во Штип го претставија новото граѓанско движење на Центарот, со мотото „Излези од маглата“.
Претседателката на ДОМ, Маја Морачанин нагласи дека ДОМ и ЛДП се прогресивни партии кои се отворени за сите граѓани, граѓански движења, експерти кои споделуваат слични вредности, за кои приоритет е јавниот, а не личниот интерес и кои сакаат да придонесат за здрав и квалитетен живот на граѓаните.
Лидерот на ЛДП, Горан Милевски рече дека Граѓанското движење на Центарот нуди нови визии за решавање на локалните проблеми и прашања во Штип и во другите места од регионот. Тој подвлече дека ЛДП и ДОМ не се согласуваат со предложениот Изборен законик кој не е во прилог на развој на демократијата, туку ги фаворизира интересите на големите партии.