Заев и Тачи се договорија да се поддржат за локалните избори
Заев на Фејсбук напиша дека СДСМ и ДПА ќе соработуваат и реципрочно ќе се поддржат во повеќе општини.
Лидерот на СДСМ и премиер Зоран Заев преку Фејсбук информира дека договорил соработка за локалните избори со претседателот на ДПА, Мендух Тачи.
Можеби ќе ве интересира
Тој утрово напиша дека СДСМ и ДПА ќе соработуваат и реципрочно ќе се поддржат во повеќе општини.
„Со цел за граѓаните да ги обезбедиме најдобрите градоначалници и советници на кои служењето на народот им се главна цел и определба. Во некои општини соработката ќе ја реализираме во прв круг, а во други општини во втор круг. СДСМ продолжува да ја гради и развива најголемата и најдобра коалиција за локалните избори во октомври“, напиша Заев на Фејсбук.