Дали исхраната со малку сол прави повеќе штета отколку корист?
Д-р Џејмс Диниколантонио е убеден дека исхраната со малку сол му нанесува многу повеќе штета на нашето тело отколку придобивките што ги промовираат огромното мнозинство на светски лекари.
Според Американското здружение за срце (АХА), смртните случаи од кардиоваскуларни болести може да се намалат за 1,2 милиони луѓе во следната деценија доколку Американците го ограничат внесот на натриум на само 1.500 милиграми.
Диететичарите и здравствените експерти препорачуваат исхрана со малку натриум. Лекарите честопати велат дека внесувањето сол е водечка причина за висок крвен притисок, срцеви и бубрежни заболувања. Центарот за наука од јавен интерес дури ја нарекува солта „можеби најсмртоносната состојка во нашата исхрана“. За солта со години се зборува во негативен контекст, но зошто е тоа така?
Д-р Џејмс Диниколантонио, соработник за кардиоваскуларни истражувања во Институтот во Канзас Сити, има многу поинаква перспектива за солта, откако го проучил нејзиното влијание врз здравјето на луѓето во последните десет години. Неговото истражување за солта го натерало да ја објави книгата „Решение за солта: зошто експертите погрешно разбраа сè и како јадењето повеќе сол може да ви го спаси животот“. Д-р Диниколантонио вели дека телата на многу луѓе всушност имаат глад за сол. Според истражувањето, исхраната со намалена содржина на сол може да направи повеќе штета отколку корист.
На почетокот на својата кариера, д-р Диниколантонио ги забележал негативните здравствени ефекти на исхраната со малку натриум. Пациенти на исхрана со низок натриум, кои исто така земале лекови за регулирање на низок крвен притисок, често пријавувале вртоглавица, дехидрираност и забрзано чукање на срцето. Кога биле тестирани овие пациенти, нивото на натриум им било опасно ниско. Во скоро секој случај, лекарот го прекинал лекот или ја намалил дозата за половина. Подеднакво важно, лекарот им рекол на пациентите да додадат сол во нивната храна за да го регулираат нивото на натриум.
Човечкото тело се прилагодувало на метаболизмот на големи количини сол низ вековите. Пред широко распространетата употреба на синтетички конзерванси, солта била стандарден конзерванс и подобрувач на вкусот. На човечкото тело му треба натриум за одржување на правилна рамнотежа на течностите во клетките. Натриумот е неопходен за кардиоваскуларна функција, мускулна контракција и за регулирање на нервните импулси.
Многу луѓе се гладни за сол, но солта не им е непријател. Кога телото посакува сол, многумина може да помислат дека преработената храна содржи сол. Сепак, оваа нездрава храна е натопена во делумно хидрогенизирани масла и исполнета со натриум нитрат и други хемикалии кои ги оштетуваат ендотелијалните клетки во крвните садови.
Медицинските институции го обвинуваат природниот и неопходен елемент како сол, но не даваат никакви упатства за прехранбените хемикалии и нездрави намирници кои често ја следат исхраната богата со сол. Понатаму, најголемиот дел од солта во стандардната американска исхрана е јодизирана сол, која, загреана на висока температура, ги отстранува од солта неопходните минерали што му се потребни на организмот.
Зошто медицинските власти претпоставуваат дека солта е виновник за срцевите заболувања, додека истовремено ги игнорираат сите други хемикалии во храната што всушност вршат притисок врз крвните садови?
Според 185 рандомизирани контролирани испитувања на внесот на натриум, истражувачите откриле дека понискиот внес на сол го намалува крвниот притисок, но го намалува во просек само од 1 до 5 поени. Мал пад на крвниот притисок е забележан само кај мал дел од популацијата.
Падот на внесот на сол, исто така, имал негативни ефекти – зголемување на нивото на бубрежни хормони, хормони на стрес и триглицериди. Стапката на смртност всушност била поголема кај луѓето кои имале ниско ниво на натриум во споредба со оние кои имале високо ниво.
Всушност, негативните ефекти од исхраната со малку натриум биле поштетни и вклучуваат зголемен ритам на срцето, хипотироидизам, покачени нивоа на инсулин и зголемување на хормоните кои ги вкочануваат артериите.
Истражувањата исто така покажуваат дека исхраната со малку натриум не е здрава за бремени жени и придонесува за поголем ризик од спонтан абортус, смртност кај новороденчињата и прееклампсија.
Фото: Pixabay