ПСЖ не се откажува од Меси, дури и на него го темели составот за идната сезона

Пари Сен-Жермен не се откажа од намерата да потпише договор со напаѓачот на Барселона, Лионел Меси.

Парижаните го планираат својот состав за следната сезона, со 33-годишниот Аргентинец во него, објавија француските медиуми.

Исто така, ПСЖ е заинтересиран за дефанзивецот на Барселона, Емерсон Апаресидо, кој сега игра на позајмица во Бетис. Францускиот клуб сака да го засили и средниот ред.

„Светците“ веруваат дека огромните трошоци што клубот ќе мора да ги направи ако Лионел Меси, Килијан Мбапе и Нејмар играат во ист тим, ќе се исплатат, бидејќи приходите од рекламирање и продажба на стоки ќе се зголемат неколку пати.

Меси оваа сезона одигра 32 натпревари во Ла Лига, постигна 28 гола и направи девет асистенции.