Во Краков замрзнатите улици ги посипуваат со кафе наместо со сол ФОТО

Жителите на Краков ги разбудил мирис на кафе кој се ширел од улиците бидејќи градската служба наместо со сол снежните улици и заеледените површини ги посипала со кафе.

Од градското зеленило велат дека кафето е добро за околината и дека неговите остатоци се поевтини од солта.

Оваа одлука ги развеселила жителите и сопствениците на кафулињата кои сега остатоците од кафето не мора да ги фрлаат во корпите за ѓубре.

Уште една добра причина за посипување на кафето за разлика од солта, е тоа што кафето не е штетно за кучињата.

Повеќе од 50 кафулиња го прифатиле повикот и испорачале талог од кафе на службата градско зеленило во Краков.