За еден ден полицијата казни 233 возачи во Битола

Во рамки на засилената акциска контрола во областа на сообраќајот на територијата на Битола вчера се изречени вкупно 233 санкции, соопштија денеска од МВР.

За измината важност на сообраќајната дозвола санкционирани се 27 (нерегистрирани возила), 40 за возење без возачка дозвола, 34 за пречекорување на брзина.

– Засилените сообраќајни контроли продолжуваат и во наредните денови. Апелираме граѓаните да ги почитуваат сообраќајните правила и прописи за да ја зголемиме безбедноста во сообраќајот, соопштија од МВР.