Арсовски: Обвинителството да провери како Димова додели 270.000 евра на фризерница

Додека граѓаните не можат крај со крај да врзат  функционерите во СДСМ си делат европски пари за едукација, образование, млади и спорт, на фризерници кои немаат врска со темата на проектот со кој што аплицирале, реагираше ВМРО-ДПМНЕ откако е откриена аферата во која фризерско студио добило 270.000 евра европски пари.

– Вчера  дознавме дека најрпофитабилен бизнис во Република Македонија е фризерската дејност.Лидија Димова, директорката од СДСМ, исплатила европски пари 270.000 евра во рок од 3 години преку неколку грантови на фризерски салон или берберница со две столчиња, сеедно, каде што една од темите на грантот за оваа година била фризерницата да едуцира за медиумска писменост во дигиталното опкружување. Неверојатно – изјави портпаролот на партијата Димче Арсовски.

Арсовски потсетува дека во другите земји за овој проекти грантови добиваат угледни школи, училишта и универзитети, односно правниот субјект кои дејствуваат во областа на проектот.

– За лицето Зоран Златковски кој е сопственик на фризерницата се знае дека бил обучувач на наставници во агенцијата со која раководи Лидија Димова и познато е деканејзин  близок пријател од порано од граѓанскиот и партискиот активизам на СДСМ – вели Арсовски.

Според него, оваа постапка на Димова е класична злоупотреба на пари во институција, каде што треба да се поведе соодветна постапка.

-Јавното обвинителство за организиран криминал до сега требаше да биде влезено во агенцијата со која раководи Лидија Димова и да има отворено истрага. Но, тоа нема да се случи доколку не се изврши јавен притисок, бидејќи со тоа Јавно обвинителство командуваат Русковска и Зоран Заев – вели Арсовски.