Џонсон: Време е Британија да продолжи понатаму

Британскиот премиер Борис Џонсон изјави денеска дека е време Британија да тргне натаму од „премногу фрустрирачката епизода“ во која неговиот најблизок соработник Доминик Камингс беше обвинет за прекршување на мерките воведени за да се спречи ширењето на коронавирусот.

– Тоа е многу фрустрирачка епизода и разбирам дека луѓето се загрижени затоа што земјата минува низ многу тешко време – рече Џонсон пред парламентарната комисија.

Тој додаде дека британското општество мора да се фокусира на давање вистинска порака.

– Она што треба да го направиме е да продолжиме – рече Џонсон.