Во скопската Зоолошка долетаа 15 фламинга
Зоолошка градина во Скопје доби 15 млади птици од родот фламинго. Во моментов птиците се чуваат во специјални услови, а јавноста ќе може да ги види кога ќе биде комплетно подготвено нивното живеалиште.
Можеби ќе ве интересира
Директорот на Зоолошката градина Ѓорѓи Галетановски на својот профил на Фејсбук ја сподели оваа вест, најавувајќи дека наскоро од Лондон во Скопје ќе пристигнат и пингвините.
– Се надеваме дека наскоро ќе заврши пандемијата и граѓаните ќе можат да уживаат во глетките на овие убави тропски птици. Со огромна помош на Град Скопје, за кратко време го добиваме живеалиштето за пингвини, кое ќе биде едно од најубавите во Европа. Пингвините ќе пристигнат од Лондон – објави Галетановски.