ЗЕЛЕНСКИ ГО МОЛИ МАКРОН ДА МУ ПОМОГНЕ Русија го критикува француското „милитаристичко лудило“
Украинскиот претседател Виолодимир Зеленски го оцени разговорот со францускиот претседател Емануел Макрон како „многу позитивен и конкретен“ и се заблагодари на Франција за „непоколебливата поддршка“.
Францускиот претседател Емануел Макрон и украинскиот претседател Володимир Зеленски денеска телефонски разговараа за ситуацијата на линијата на фронтот и за потребите на Украина од оружје и муниција.
„Разговаравме за ситуацијата на линијата на фронтот и за одбранбените потреби на Украина, кои вклучуваат беспилотни летала, артилерија и муниција, опрема за електронско војување и системи за противвоздушна одбрана“ – напиша Зеленски на X.
I spoke with @EmmanuelMacron and thanked him and the French people for their unwavering support.
A very positive and focused call, which is exactly what is required right now.
We talked about the battlefield situation and Ukraine’s defense needs, which include drones, artillery… pic.twitter.com/KfnAdNsoXH
— Volodymyr Zelenskyy / Володимир Зеленський (@ZelenskyyUa) February 10, 2024
Тој го оцени разговорот како „многу позитивен и конкретен“ и се заблагодари на Франција за „непоколебливата поддршка“.
Елисејската палата потврди дека двајцата лидери разговарале за „развојот на ситуацијата на теренот и потребите на Украина“.
„Претседателот на државата уште еднаш ја истакна решеноста на Франција да и ја обезбеди на Украина сета потребна поддршка на долг рок, во соработка со нејзините партнери, со цел на крајот да се смири руската воена агресија“ – стои во известувањето од Елисејската палата.
Двајцата лидери разговарале и за билатералниот договор за одбрана што Франција и Украина имаат намера да го склучат наскоро, по примерот на оној што Киев неодамна го склучи со Обединетото Кралство.
Француската поддршка за Украина поттикна ескалација на тензиите со Русија во последните недели, која го критикуваше француското „милитаристичко лудило“, алудирајќи на ветувањето на Франција за нови испораки на оружје за Киев.
Во понеделникот, по смртта на двајца француски хуманитарни работници во руските напади во Украина минатата недела, рускиот амбасадор во Франција, Алексеј Мечков, беше поканет на интервју во француското Министерство за надворешни работи.