Здравствените работници на Нефрологија се со лесна клиничка слика

Сите здравствените работници кои се позитивни на ковид-19 од Клиниката за нефрологија имаат лесна клиничка форма на болеста. Во моментов, установата функционира нормално со останатиот медицински кадар, изјави министерот за здравство Венко Филипче за Канал 5.

– Ќе земеме дел од тие материјали и брисеви и ќе се направи секвенционирање, за да видиме дали евентуално станува збор за мутација на британскиот сој на вирусот – информираше Филипче.

На Клиниката ковид позитивни се 8 медицински сестри од вкупно 52 вработени, еден лаборант од вкупно двајца вработени и еден психолог. Заразени се 9 доктори од 24 вработени во установата и 3 болничари од вкупно 17 вработени на Клиниката за нефрологија.

Работата во оваа јавно здравствена установа се одвива регуларно и тековните обврски се завршуваат од страна на вработените кои го надополнуваат отсуството на оние кои се заразени или се во изолација.