Деветгодишно дете завршило со тешка телесна повреда откако група малолетници физички го нападнале на спортско игралиште во Тетово. Еден од напаѓачите употребил и дрвен предмет.

Нападот се случил на 12 октомври, околу 19 часот, на игралиште во рамките на средно училиште во градот.

Случајот бил пријавен во полицијата пет минути по полноќ, на 13 октомври, од 39-годишниот А.Н. од Тетово.

Според пријавата, неколку малолетници го нападнале деветгодишното дете, при што еден од нив употребил дрвен предмет.

Повреденото дете било пренесено во Клиничкиот центар во Тетово, каде што лекарите констатирале тешка телесна повреда.

МВР соопшти дека презема мерки за расчистување на нападот.

The post ДЕТЕ ОД 9 ГОДИНИ ПРЕТЕПАНО НА ИГРАЛИШТЕ ВО ТЕТОВО Mалолетници го нападнале, еден удирал со дрвен предмет appeared first on plusinfo.mk.

Обид за бегство од полицијата завршил во болница за 36-годишен велешанец, кој проголтал бела прашкаста материја додека полицајците се обидувале да го фатат. Мажот бил патник во такси-возило запрено за полициска контрола, но наместо да дозволи преглед, се дал во бегство.

Инцидентот се случил на 11 октомври, околу 22:35 часот, на улицата Благој Ѓорев во Велес.

„При обид да му се изврши преглед, се обидел да побегне, но набргу бил фатен“, соопшти СВР Велес.

Полицијата не соопштила каква супстанца проголтал велешанецот.

„Проголтал бела прашкаста материја и бил пренесен во Општа болница Велес за укажување лекарска помош“.

По укажаната медицинска помош, велешанецот бил приведен во полициска станица.

„Известен бил јавен обвинител и по документирање на настанот против него ќе биде поднесена соодветна пријава“, соопшти полицијата.

The post JA ПРОГОЛТАЛ ДРОГАТА ДОДЕКА БЕГАЛ ОД ПОЛИЦИЈАТА Морале да го однесат во болница пред да го носат во станица appeared first on plusinfo.mk.

Човечки леш бил пронајден во канал во Бардовци, во близина на ограда од јавна здравствена установа.

Случајот бил пријавен вчера, 26 септември, околу 16 часот во Полициската станица Карпош.

На местото излегла екипа на СВР Скопје, која извршила увид, по што телото било подигнато и предадено на обдукција.

Засега нема информации за идентитетот на починатото лице, ниту за причината за смртта. Се очекува обдукцијата да даде повеќе информации за случајот.

The post ЧОВЕЧКИ ЛЕШ ПРОНАЈДЕН ВО БАРДОВЦИ Телото било во канал во близина на здравствена установа appeared first on plusinfo.mk.

Такси возило синоќа се забило во оградата на мостот „Близнаци“ на булеварот Србија во Скопје, објавија неколку македонски портали заедно со слика од настанот.

Несреќата се случила на делот од мостот кој гледа кон Ново Лисиче.

Засега нема други информации за случајот.

The post ДРАМА НА БУЛЕВАРОТ СРБИЈА Такси возило се забило во оградата на мостот „Близнаци“ appeared first on plusinfo.mk.

Шестгодишно дете било тешко повредено откако татко му го прегазил со џип движејќи се наназад во Тетово.

Несреќата се случила вo неделата, 23 август, околу 8.30 часот. Според полицијата, 42-годишниот В.С. од Тетово управувал „фолксваген туарег“ без регистарски ознаки.

Движејќи се наназад во „рикверц“, со задното тркало го прегазил својот 6-годишен син.

Детето било пренесено во Ургентниот центар во Тетово. Поради тешката здравствена состојба, лекарите итно го префрлиле во комплексот клиники „Мајка Тереза“ во Скопје.

„На 23.08.2026 во 09:50 часот од Ургентниот центар во Тетово било пријавено дека кај нив е донесено малолетно дете со сериозни повреди. Поради тешката здравствена состојба, детето било итно пренесено во комплексот клиники „Мајка Тереза“ во Скопје. По извршените проверки, утврдено е дека несреќата се случила околу 08:30 часот, кога 42-годишниот В.С. од Тетово, управувајќи патничко возило „Фолксваген Туарег“ без регистарски ознаки и движејќи се наназад, со задното тркало го прегазил својот шестгодишен син“, соопшти СВР Тетово.

Увид извршила екипа на СВР Тетово. Полицијата презема мерки за целосно расчистување на случајот и утврдување на сите околности.

The post ТАТКО СО „ТУАРЕГ“ ГО ПРЕГАЗИЛ 6-ГОДИШНИОТ СИН ВО ТЕТОВО Детето со тешки повреди е итно пренесено во Скопје appeared first on plusinfo.mk.

Непознати сторители со огнено оружје пукале кон објект на фирма во Тетово, при што биле оштетени објектот и неколку возила, информира Министерството за внатрешни работи.

Според МВР, случајот бил пријавен на 17 јули од 42-годишен жител на Тетово, кој пријавил дека во текот на ноќта било пукано кон објектот на неговата фирма.

По пријавата, полициски службеници извршиле увид на местото на настанот, при што биле пронајдени 11 чаури од огнено оружје. Воедно, биле констатирани оштетувања на објектот, како и на неколку возила кои се наоѓале во близина.

Од Министерството за внатрешни работи информираат дека се преземаат интензивни мерки и активности за целосно расчистување на случајот, идентификување на сторителите и утврдување на мотивите за нападот.

Засега не се соопштуваат повеќе детали за инцидентот, а истрагата е во тек.

The post ПУКАЛЕ КОН ФИРМА ВО ТЕТОВО Пронајдени 11 чаури, оштетени објект и неколку возила appeared first on plusinfo.mk.

Вработен во ЈП „Комунална хигиена“ пријавил дека доживеал вистинска драма додека бил на работна задача во Скопје. Според МВР, 48-годишниот скопјанец околу 17:50 часот работел на улицата „Маџари“, кога со возило пристигнал 52-годишен сограѓанин и физички го нападнал.

Но инцидентот не завршил таму.

Нападнатиот пријавил дека мажот потоа го следел со автомобил сè до неговиот дом. Во текот на следењето, како што навел во пријавата, слушнал и истрели од огнено оружје.

„На 14.07.2026 во 19:00 часот во СВР Скопје, Р.И.(48) од Скопје пријави дека околу 17:50 часот на ул. ‘Маџари’ во Скопје, додека извршувал работни задачи како вработен во ЈП ‘Комунална хигиена’, со возило дошол Б.П.(52) од Скопје и физички го нападнал, а потоа и го следел со неговото возило до домот на пријавителот“ – соопшти МВР.

Од полицијата велат дека се преземаат мерки за расчистување на случајот.

The post ИСТЕПАЛ ВРАБОТЕН НА „КОМУНАЛНА“, ПА ГО СЛЕДЕЛ ДО ДОМА Драмата завршила со пријава за истрели appeared first on plusinfo.mk.

Едно лице се здобило со тешки телесни повреди, а уште четири лица се повредени во сообраќајна несреќа што вчера попладне се случила на улицата Лазар Личеновски во Скопје, соопшти Министерството за внатрешни работи.

Несреќата се случила околу 17:50 часот, кога се судриле патничко возило „БМВ“, управувано од 25-годишниот Е.К. од селото Визбегово, и патничко возило „сеат леон“, зад чиј волан била 48-годишната С.П. од селото Бразда.

Во судирот најтешко настрадал 25-годишниот Д.С. од селото Сингелиќ, кој бил сопатник во возилото „БМВ“. Кај него лекарите констатирале тешки телесни повреди.

Со телесни повреди се здобиле и двајцата возачи, како и 24-годишната И.П. од селото Бразда, која била сопатничка во „сеат леон“.

Повредените биле пренесени во Комплексот клиники „Мајка Тереза“ и во ЈЗУ „Св. Наум Охридски“ во Скопје, каде што им била укажана лекарска помош.

Увид на местото на несреќата извршила увидна екипа на СВР Скопје, а причините за судирот се утврдуваат.

The post СТРАШЕН СУДИР ВО СКОПЈЕ Пет лица повредени во силен судир, едно е во тешка состојба appeared first on plusinfo.mk.

Во Гостивар ноќеска биле испукани неколку истрели од огнено оружје од патничко возило, а неколку часа подоцна во полициската станица сам се пријавил 65-годишен жител на градот, од кого бил одземен пиштол.

Според информациите од СВР Тетово, инцидентот бил пријавен околу 00:13 часот, кога било соопштено дека непознато лице, кое се движело со возило „џип“, испукало неколку истрели, по што заминало кон центарот на Гостивар.

Во пукањето нема пријавено повредени лица.

Околу два часа подоцна, во 02:10 часот, во Полициската станица во Гостивар сам се пријавил А.М. (65) од Гостивар. Од него биле одземени пиштол „берета“, кој го поседувал со дозвола, една рамка со осум куршуми и уште една празна рамка за истото оружје.

Полицијата работи на целосно расчистување на случајот, а по неговото документирање против А.М. ќе биде поднесена соодветна пријава.

The post ПУКАЛ ПА САМ СЕ ПРИЈАВИЛ ВО ПОЛИЦИЈА На гостиварец му е одземен пиштол appeared first on plusinfo.mk.

Педесет и деветгодишна жена била пронајдена почината во својот дом на подрачјето на скопската општина Аеродром, соопшти Министерството за внатрешни работи.

Случајот бил пријавен во СВР Скопје на 9 јуни околу 11:50 часот. На местото пристигнала екипа на Итната медицинска помош.

Лекар констатирал смрт кај Д.А. (59). Притоа не биле забележани видливи траги на насилство.

По насоки на јавен обвинител, телото било предадено на обдукција. Таа треба да ги утврди точните причини за смртта.

The post ЈА ПРОНАШЛЕ ПОЧИНАТА ВО СВОЈОТ ДОМ ВО АЕРОДРОМ Телото на 59-годишна жена предадено на обдукција appeared first on plusinfo.mk.