СОФИЈА ДА СЕ ИЗВИНИ Бугарскиот професор Иванов го поддржа повикот на Пендаровски
За да има помирување, треба да има извинување за улогата на профашистичката влада во Софија во тоа време во депортацијата на македонските Евреи, напиша Иванов на Фејсбук.
Познатиот бугарски професор и поранешен советник на бугарскиот претседател Жељу Желев, Михаил Иванов, вчера се приклучи на повикот на македонскиот претседател Стево Пендаровски Софија да се извини за нејзината улога во депортацијта на македонските Евреи, пренесува МКД. Тој ја пренесе изјавата на Пендаровски:
„Правда значи да се препознае и именува вистината и таа да биде почитувана од сите. За да има помирување, треба да има извинување за улогата на профашистичката влада во Софија во тоа време во депортацијата на македонските Евреи“, напиша Иванов на Фејсбук.
А потоа напиша:
„Се приклучувам на повикот на македонскиот претседател“.
Иванов исто така се согласува со изјавите на Горан Садикарио, директорот на Музејот на холокаустот во Скопје.
„Го слушам Горан Садикарио и ме боли. Затоа што тој е апсолутно во право. Зошто не слушам од демократските политички партии за срамната ситуација во која генералот Радев и неговата придружба ја ставија Бугарија“, вели Иванов.