СЕЗОНА НА ШПАРГЛИ Одлични се за црниот дроб, панкреасот и шеќерот, а имаат и антиканцерогено дејство
Шпарглите се едни од најздравите пролетни зеленчуци. Тие се добри за сите, за здрави, болни, за трудници, доилки, деца. Треба да се знае и дека оние кои се одгледуваат се исто толку вредни колку и дивите шпаргли
Најпрво, тие се многу вкусни. Да не беше така, немаше да бидат толку популарни во гастрономијата и нутриционизмот. Колку и да е пожелна една храна по својот хемиски состав, ако не е вкусна и погодна за приготвување на разни јадења, тешко ќе го најде патот до потрошувачите, а со тоа и до истражувачите. Но, за среќа, нив ги сакаме сите – и потрошувачите и истражувачите.
Одгледуваните шпаргли (аспарагус) се исто толку вредни како и дивите
На спомнувањето на култивираните шпаргли, повеќето луѓе реагираат со неодобрување, со неизбежното „тоа не е тоа“ и попрво би потрошиле двојно или дури тројно поголема сума за диви, отколку да купат култивирани шпаргли.
И тоа е всушност грешка. Одгледуваните шпаргли (аспарагус) се исто толку вредни како и дивите. Секако, тие се лишени од тој детал на возбуда и шетање по убаво време при ловот на шпаргли, но нутриционистички нема некоја голема разлика.