📽️ ПУТИН МУ ДОДЕЛИ НОВ ЧИН НА КАДИРОВ Чеченскиот лидер сега е генерал на армијата

На чеченскиот лидер Рамзан Кадиров му е доделено звањето генерал на армијата, по указ на рускиот претседател Владимир Путин.

Звањето му го врачи директорот на Руската национална гарда (Росгвардија), Виктор Золотов, на свечена церемонија во Грозни, каде што Кадиров ги доби и генералските еполети и краповата беретка. За настанот извести руската државна агенција ТАСС.

– Претседателот на Руската Федерација, Владимир Владимирович Путин, денеска ми довери да го соопштам неговиот указ со кој на Херојот на Русија, генерал-полковникот Рамзан Кадиров, му се доделува уште едно, највисоко воено звање – генерал на армијата – изјавил Золотов.

Според него, краповата беретка му е доделена на Кадиров како признание за неговите заслуги во развојот на единиците на специјалните сили и трупите на Националната гарда.

 

🤣 Kadyrov has been promoted to Army General and awarded a maroon beret

A reminder: he’s also an honorary academician of the Russian Academy of Natural Sciences.

Army General, academician, maroon beret — quite the achievement list. Is Kadyrov speedrunning the quest “Collect every title and decoration in Russia”?

The beret is especially striking, given that it is usually associated with brutal special-forces qualification trials — while Kadyrov himself is hardly known for putting himself through anything like that these days.

— NEXTA (@nexta_tv) October 3, 2026

За време на церемонијата, Кадиров, пак, на Золотов му го доделил звањето Херој на Чеченската Република, истакнувајќи ги неговите заслуги за регионот.

Кадиров претходно го имаше чинот генерал-полковник, кој му беше доделен во 2022 година. Звањето генерал на армијата во рускиот воен систем се смета за највисоко генералско звање, додека над него е само маршалското.

Кадиров генералски чинови добивал и порано. Во 2009 година бил унапреден во генерал-мајор на милицијата, во 2020 година станал генерал-мајор на Росгвардијата, а во 2022 година последователно ги добил чиновите генерал-потполковник и генерал-полковник.

Краповата беретка е симбол на припадниците на специјалните единици на Росгвардијата и на некои други руски безбедносни служби. Таа се смета за престижно одликување во специјалните единици. Според достапните извештаи, не е познато дали Кадиров ги поминал квалификациските тестирања што вообичаено се потребни за нејзино добивање; тој и претходно бил виден со крапова беретка.

 

By Putin’s Presidential Decree:
Chechen leader Ramzan Kadyrov has been promoted to the rank of General of the Army—the highest military rank in the Russian Armed Forces. During a ceremony in Grozny, Rosgvardia Director Viktor Zolotov presented him with his new shoulder straps and the prestigious Maroon Beret.

A move loaded with strategic weight; elevating Kadyrov to the top military rank is more than symbolic—it’s a explicit signal of the Chechen forces’ central role in Russia’s defense architecture and a solid reinforcement of the direct alliance between the Kremlin and Grozny.

— RussiaNews 🇷🇺 (@mog_russEN) October 3, 2026

Веста за унапредувањето доаѓа непосредно по изборите во Чеченија, на кои Кадиров освои рекордни 99,85 отсто од гласовите, според објавените резултати.

Гласањето се одржа од 18 до 20 септември, а ова е негов петти мандат на чело на Чеченија. На функцијата е од февруари 2006 година.

На 30 септември, Путин му се заблагодари на Кадиров и на неговиот тим за работата во Чеченија и го истакна придонесот на жителите на републиката кон зајакнувањето на Русија и спроведувањето на руската „специјална воена операција“.