ПУКАЊЕ НА УНИВЕРЗИТЕТ ВО САД Пет лица повредени, едни се бори за живот
Инцидентот се случил околу 1:28 часот по локално време во близина на студентскиот комплекс „Quad Annexes“. Полицијата ги истражува сите околности.
Пет лица се повредени во пукање што рано утрово се случило на Државниот универзитет на Вирџинија во САД, при што едно лице е во критична состојба, соопштија универзитетот и полицијата.
Пукањето се случило околу 1:28 часот по локално време, во близина на студентскиот станбен комплекс „Quad Annexes“, пренесува NBC News.
Mass shooting at Virginia State University leaves several wounded, puts campus on lockdown pic.twitter.com/i8tkLPgoTh
— Daniella Lee (@DaniellalLee) August 15, 2026
Според надлежните, во инцидентот учествувале повеќе лица. Сите петмина повредени биле пренесени во локалните болници.
Едно од повредените лица е во критична состојба, додека останатите четворица се здобиле со полесни повреди.
Полицијата продолжува со истрагата и ги утврдува околностите под кои дошло до пукањето, како и што му претходело на инцидентот.
Засега нема дополнителни информации за можниот мотив, ниту за тоа дали има уапсени лица во врска со пукањето.