МУ СЕ ЗАКАНУВАЛ СО НОЖ, ПА ГО УДРИЛ СО СЕКИРА Тепачка меѓу селани во Тетовско
Маж во Тетовско пријавил дека бил нападнат додека се враќал од нива. Осомничениот напаѓач е приведен и се работи на расчистување на случајот.
Насилен инцидент со сериозни закани и физички напад се случил во тетовско село. Маж бил нападнат додека се враќал со трактор од нива, информира полицијата во дневнито билтен.
Случајот бил пријавен во полиција, по што следувала брза реакција.
Според соопштението, 63-годишен жител на селото се враќал од нива со трактор. Во тој момент бил пресретнат од друго лице. Напаѓачот прво му се заканувал со нож, а потоа го удрил со дршка од секира.
По пријавата, полициски службеници го лишиле од слобода осомничениот. Станува збор за 42-годишен жител од истото село.