МОТОЦИКЛ УДРИ ВО БЕТОНСКИ СТОЛБ, ДВЕ ЛИЦА ЗАГИНАА Страшна сообраќајка однесе два живота во Скопје

Две лица го загубија животот во тешка сообраќајна несреќа што се случи денеска попладне на крстосницата меѓу булеварите 8 Септември и Никола Карев во Скопје, откако мотоцикл со скопски регистарски таблички излетал од коловозот и удрил во бетонски столб.

Како што информираат од Министерството за внатрешни работи, несреќата била пријавена во 18:23 часот.

„Возачот на мотоциклот и сопатникот починале на самото место, а смртта ја констатирал лекар од Итната медицинска помош“, соопштија од МВР.

Полицијата изврши увид на местото на несреќата, а повеќе детали се очекуваат по завршувањето на истрагата.