📽 МАСОВНА ТЕПАЧКА И СТАМПЕДО ПРЕД ДЕРБИТО ХАЈДУК – ДИНАМО Во Сплит „врие“ од навивачите

Околу 9 часот утрово, во сплитската населба Пујанке избувна масовна тепачка пред најголемото хрватско фудбалско дерби помеѓу Хајдук и Динамо, кое се игра на стадионот „Пољуд“ денеска во 16 часот.

Поголема група маскирани „Бед Блу Бојс“, навивачи на Динамо, упаднаа во Сплит и се судрија со членови на „Торцида“, а наводно станува збор за договорена тепачка, 200 на 200.

Полицијата многу брзо пристигнала на местото на настанот, по што настанала целосна турканица, а очевидците останале во шок.

Полицијата ја информираше јавноста дека уапсила голем број хулигани, а потрагата по другите сè уште е во тек.