МАЈКА И БЕБЕ ПРОНАЈДЕНИ МРТВИ, ТАТКОТО И СИНОТ ВО БОЛНИЦА Полицијата ќе го испрашува сопругот како дошло до трагедијата во тетовско Слатино
Телата ги пронашла мајката на починатата, која веднаш повикала лекар, кој откако ја констатирал смртта, веднаш повикал полиција.
Голема трагедија во тетовско Слатино – мајка и нејзиното бебе се мртви, а таткото и синот се во болница, по што таткото ќе биде испрашуван во полицијата како се случила смртта на членовите на семејството. Телата ги пронашла мајката на починатата, која веднаш повикала лекар.
Попладнево МВР се огласи во врска со ужасниот настан.
„Денеска (08.10.2024) околу 14 часот во СВР Тетово Т.Ј. од Теарце во својство на лекар пријавил дека бил повикан на интервенција во село Слатино, Тетовско, каде бил повикан од М.З. која без знаци на живот ги пронашла нејзината ќерка К.Ш (36) и нејзината внука, доенче, во нивниот семеен дом, каде што била констатирана смрт. Постапувајќи по пријавата, обезбедено е местото, а екипа од СВР Тетово во соработка со јавен обвинител извршила увид и по наредба на обвинителот безживотните тела на почините се предадени на обдукција. Сопругот на починатата Р.Ш. (50) заедно со неговиот малолетен син, се пренесени на лекарска помош во тетовската клиничка болница, а потоа лицето Р.Ш. ќе биде приведено во полициска станица за понатамошно постапување“, соопштеи МВР.