КАКО ИЗГЛЕДА ЗООЛОШКАТА ВО ЛОНДОН Животните ги мерат на вага ВИДЕО

Зоолошката во Лондон објави видео на Твитер од своите 20.000 видови на животни кои очигледно ја добиваат негата која ја заслужуваат. Вработените имаат за задача да ги измерат животните, нивната должина, висина или тежина, а нивните реакции нема да ве остават рамнодушни, пишува IFL Science. Се мери и струкот на женските животни за да се контролира кога тие забременуваат.

Тежината кажува колку е здраво животното

– Мораме да ги знаеме виталните статистички податоци за секое животно во Зоолошката градина – од највисоката жирафа до најситната мравка – рече менаџерката за животни на Лондонската зоолошка, Ангела Рајан.

– Ова ни помага да се осигураме дека секое животно за кое се грижиме е здраво, јаде добро и расте како што треба. Тежината е особено важен показател за здравјето и благосостојбата – вели таа.

Зоолошките низ светот си споделуваат информации и си комуницираат

Иако следењето на висината и тежината на животните под нивна грижа е процес во текот на целата година за чуварите на зоолошката градина, овој годишен преглед е важен за да бидете сигурни дека нивните информации се ажурирани и точни. Ова е неопходно бидејќи потоа ќе се сподели со светската мрежа на зоолошки градини преку база на податоци позната како ZIMS – Систем за управување со зоолошки информации.

– Со споделување на информации со други зоолошки градини и заштита на природата во светот, сите ние можеме да го искористиме ова знаење за подобро да се грижиме за видовите кои се стремиме да ги заштитиме – објасни Рајан.

Лавицата Арија се преселила во Лондон заради…љубов

Предизвик е да натерате животно да застане на вага за да го измерите. За среќа, чуварите имаа неколку трикови во ракавите за да ги добијат потребните информации – како храна, на пример.

И – добро, погледнете, навистина не можете да погрешите со храната и забавата како стимулации. Еве на пример, Арија, азиска лавица која се пресели во Лондон поради љубов на почетокот на оваа година, покажувајќи ја својата импресивна висина.

Во дивината има само околу 500 азиски лавови и сите тие живеат во една мала област во Индија, со големина отприлика колку Лондон.

Да не беше зоолошката, желките од Галапагос ќе завршеа на трпеза

Се разбира, има и животни кои не се толкав проблем. За да се измерат телата на џиновските желки од Галапагос, Доли, Поли и Присила, сè што им требаше на чуварите беше да им го одвлечат вниманието. Додека, далеку, на другиот крај на скалата, нивниот релативно иронично именуван братучед „со голема глава“ лесно можеа да го земат и да го спуштат на вагата.

Желките од Галапагос се во исчезнување, а Лондонската зоолошка ја има најголемата колекција во светот. Всушност, таа ги штити желките од шверц. Ги шверцуваат меѓународно заради нивното месо, но и заради тоа што богатите луѓе сакаат да ги чуваат како миленичиња.

За да ги следи своите 20.000 животни, Лондонската зоолошка градина го мери и струкот на женките за да обележи дали се тие бремени.

– Растечкиот појас, исто така, може да ни помогне да ја откриеме и да ја следиме бременоста, што е многу важно – рече Рајан. – Многу од видовите во зоолошката градина во Лондон се загрозени и се дел од меѓународните програми за размножување, вклучувајќи ги денешните азиски лавови и желки со голема глава.