🎥 ИБРАХИМОВИЌ СЕ ПРОГЛАСИ ЗА АКВАМЕН Пензионираниот фудбалер прави лудории во вода, овојпат во улога на славниот суперхерој

Златан Ибрахимовиќ повторно покажа дека за него пензионирањето од фудбалот не значи и откажување од акробациите. Поранешниот шведски репрезентативец објави видео од кое се гледа како ужива во вода, а покрај снимката едноставно напиша: „Aquaman“.

Не е првпат Ибрахимовиќ да покажува што знае во вода. Уште во 2025 година објави снимка на која изведува спектакуларни движења во вода, меѓу кои и атрактивен „ножички“ удар, потсетувајќи дека иако во 2023 година официјално стави крај на професионалната кариера, техниката очигледно не му исчезнала.

Ибрахимовиќ, кој играше професионално до своите 40-ти години, последниот меч го одигра за Милан, а денес е советник во клубот. Иако повеќе не постигнува голови на фудбалските терени, неговиот карактер и препознатливата самодоверба останаа исти – нешто што редовно го покажува и преку социјалните мрежи.

А токму водата очигледно му е омилена сцена за вакви потфати. Во една од претходните снимки тој дури успеа да изведе атрактивни фудбалски потези во базен, што тогаш предизвика бројни реакции од фановите. Сега, со новата објава, Ибрахимовиќ само ја продолжи својата „водена кариера“.

Златан и по завршувањето на кариерата остана исклучително активен во јавноста. Покрај работата поврзана со Милан, годинава беше дел и од промотивни и медиумски проекти, а неговите објави на социјалните мрежи редовно привлекуваат големо внимание.

И додека некои поранешни фудбалери по пензионирањето се повлекуваат од очите на јавноста, Ибрахимовиќ очигледно нема таква намера.

На новата снимка 44-годишниот Ибрахимовиќ стои неколку метри над морската површина, додека во воздух го држат силни млазови вода. Управувањето со оваа справа бара добра рамнотежа и контрола на телото, а поранешниот фудбалер покажа дека и понатаму не му недостига физичка подготвеност.

 

View this post on Instagram

 

A post shared by Zlatan Ibrahimović (@zlatan)