ГО ИМАМЕ СЕКОЕ ПРАВО ДА ГО УБИЕМЕ ПУТИН Зеленски не негира дека и нему му се спрема „трет мајдан“

Украинскиот претседател Володимир Зеленски за британскиот таблоид „Сан“ изјави дека неговата земја има целосно право да го убие неговиот руски колега Владимир Путин ако се укаже прилика и дека ако тоа го направи ќе ги заштити Украина и неговиот народ, пренесува Њузвик.

– Тоа е војна, а Украина ги има сите права да ја брани нашата земја – рече украинскиот лидер на прашањето дали Киев ќе искористи шанса да го убие Путин доколку се појави таква можност.

Тој исто така рече дека веќе изгубил компас за тоа колку пати Путин се обидел да му изврши атентат. Претходно, Зеленски рече дека Кремљ досега сакал да го ликвидира пет до шест пати.

Кремљ одговори на овие тврдења соопштувајќи дека всушност, Украина многупати претходно се обидела да го убие Путин, но со зборови, вербално.

– Имаше вербални обиди за живот на Путин многупати од Украина. На различни нивоа. Добро ни е познато ова. И нема да успеат во ништо – изјави за новинарите портпаролот на Кремљ Дмитриј Песков.

Од другата страна, Зеленски го спомна терминот „Трет Мајдан“ за неговото наводно насилно туркање од власт и дека Русија сѐ уште многу го посакува тоа, но дека има рок да го стори тоа до 2024 година.

– Името на операцијата е „Мајдан 3“. Наменета е да го смени претседателот. За збогум. Можеби не е со убивање. Мислам дека се менува. Тие ќе ги користат сите инструменти што ги имаат – изјави украинскиот претседател.

Потоа тој додаде:

– Значи, тоа е идејата, до крајот на годината. Дури и ја именуваа операцијата. Но, гледате дека можеме да живееме со тоа.

Зеленски му рекол на британскиот весник „Сан“ дека првиот обид за неговиот живот бил „многу интересен.“

– А после тоа ви е исто како со КОВИД. Прво, луѓето не знаат што да прават со него и изгледа многу страшно. Подоцна, ви споделуваат разузнавачки детали дека уште една група дошла во Украина за да се обиде (да ве убие).