📽️ ЕВАКУАЦИЈА ВО БАРСЕЛОНА, ОГРОМЕН ПОЖАР СЕ ШИРИ КОН ГРАДОТ Над 160 пожарникари и 12 авиони и хеликоптери се борат со огненото чудовиште

Огромен шумски пожар што беснее во близина на Барселона предизвика евакуација на дел од жителите на периферијата на шпанската метропола.

На околу 25 жители на северниот дел од населбата Торе Баро им било наредено да ги напуштат домовите поради густиот чад, објави „Ла Вангардија“, а пренесе ДПА.

На останатите жители на Торе Баро, како и на жителите на соседната населба Сиутат Меридијана, им било препорачано да останат во своите домови и да ги држат затворени прозорците и вратите.

🔴 ACTUALITZACIÓ 23.44 h: L’incendi de Collserola continua actiu, però ha entrat en fase d’estabilització.
👉🏻 El darrer balanç dels Agents Rurals eleva a 35 hectàrees la superfície afectada: 34 a Barcelona i 1 a Montcada i Reixac.

🔥 Els Bombers treballaran durant tota la nit… pic.twitter.com/9CPaCHzxaT

— Sergi Maraña (@SergiMaranya) August 25, 2026

Пожарот избувнал во попладневните часови во планинската област Сера де Колсерола, која се граничи со Торе Баро.

Во гаснењето на огнената стихија се вклучени околу 160 пожарникари, како и 12 авиони и хеликоптери, соопшти противпожарната служба преку социјалната мрежа X.

Досега огнот уништил околу 35 хектари земјиште.

🔴Por orden de Bombers, todo el barrio de Torre Baró queda confinado a raiz del incendio en Collserola. Se nos quema todo 🥹 pic.twitter.com/hlWOHalF0s

— Mikel (@Mikel270201) August 25, 2026

Пожарот во Торе Баро е втор што ја зафатил оваа област за помалку од две недели.

Серијата пожари доаѓа во период кога Шпанија, но и други делови од Европа, се соочуваат со исклучително тешка сезона на шумски пожари поради високите температури и сушата.

Експертите предупредуваат дека климатските промени придонесуваат за сè почести и поинтензивни шумски пожари, особено во периодите со екстремни горештини и недостиг од врнежи.