ЌЕ БИДАТ ЛИ ОСЛОБОДЕНИ 70 ЖЕНИ И ДЕЦА? Хамас има еден услов, се водат тешки преговори
Освен петдневен прекин на огнот, Хамас како услов бара и да се овозможи проток на хуманитарна помош насекаде во Појасот Газа.
Палестинската вооружена група Хамас е подготвена да ослободи 70 киднапирани жени и деца во замена за петдневен прекин на огнот и хуманитарна помош низ цела Газа. Групата ова им го кажа на посредниците од Катар кои преговараат.
Портпаролот на вооруженото крило на групата, Абу Убаида, во видеообраќање на Телеграм рече:
– Примирјето треба да вклучи целосен прекин на огнот и да дозволи помош и хуманитарна помош насекаде во Појасот Газа.
Јусеф Абу Риш, заменик-министер за здравство во Појасот Газа, управуван од Хамас, ја потврди информацијата за агенцијата AФП. Веста ја пренесоа повеќе западни медиуми.
Qassam Brigades, armed wing of Hamas, says the group was ready to release up to 70 Israeli women and children held hostage in return for five-day ceasefire on its Telegram channel pic.twitter.com/MaSiRb11VD
— TRT World Now (@TRTWorldNow) November 14, 2023
Болниците во Северна Газа повеќе не работат поради недостиг на гориво и интензивни борби, соопшти Министерството за здравство на Хамас во опколената енклава.