🎥📷 ДВА СИЛНИ ЗЕМЈОТРЕСИ ЈА ПОГОДИЈА ВЕНЕЦУЕЛА Досега 32 мртви, 700 повредени, но бројката постојано расте

Во Венцуела е прогласена вонредна состојба откако два силни земјотреси го потресоа главниот град Каракас во рок од неколку секунди. Според официјалните бројки, првиот земјотрес бил со јачина од 7,2 степени, додека вториот, уште поразорен, бил со јачина од 7,5 степени според Рихтеровата скала.

Шпанскиот весник „Ел Паис“ објави дека најмалку 32 лица загинале, повеќе од 700 се повредени, а се стравува дека бројките ќе се зголемат.

Официјалните владини власти сè уште не дале ниту груба проценка за вкупниот број на смртни случаи во земјата. Геолошкиот завод на Соединетите Американски Држави (USGS) објави пресметки дека, по вториот силен земјотрес, постои 44 отсто шанса бројот на жртви да надмине 10 000, а дури и 30 проценти шанса да загинат повеќе од 100 000 луѓе.

Градоначалникот на Чакао, Густаво Дуке Саез, потврди дека најмалку две згради во општината, која е дел од пошироката метрополитенска област Каракас, се целосно срушени.

Според него, спасувачите досега успеале да извлечат 18 лица живи од урнатините. Повеќе од 500 служби за итни случаи моментално се на терен, правејќи сè што можат за да ги спасат преостанатите заробени жители.

– Никој не е сам во Чакао и нема да заминеме од тука додека не се спаси и секој последен жител –

рече градоначалникот.

Тој ги повика сите што бараат исчезнати членови на семејството да се упатат кон двата главни локални плоштади каде има формирано кризни центри за собирање информации за исчезнатите, дистрибуција на вода и обезбедување привремено засолниште за погодените.

– Покрај овие две згради што се срамнети со земја, имаме и долг список на згради чија структура е сериозно оштетени – предупреди Дуке Саез.

Урнат е и хотел крај брегот во градот Макуто, во северната венецуелска држава Ла Гуаира. Голем дел од главната зграда на хотелот „Едуард“, за која сајтовите за резервации велат дека има 8 ката и 106 соби, е претворена во урнатини, а од снимка објавена на социјалните мрежи може да се виде дека само влезот на хотелот сè уште стои.

Според Хорхе Родригез, претседател на Националното собрание на Венецуела, до 15 згради се урнале во државата Ла Гуаира. Тој за Си-ен-ен изјави дека оваа сојузна држава е најтешко погодена од земјотресите.

Дописник на Би-Би-Си од теренот објави дека од под урнатините на една зграда може да се слушнат гласови на луѓето што бараат помош.

– Можете да ги чуете како викаат: „Повикајте помош! Тука сме!“ – вели таа.

Се додава и дека многу луѓе сè уште се на улиците по земјотресот, плашејќи се од последователни потреси.

– Препораката е никој да не се враќа во зградите – објасни таа.

Земјотресите што ја погодија Венецуела урнаа голем број згради во главниот град Каракас.

По земјотресите, Американскиот систем за предупредување од цунами издаде предупредување за Венецуела, Американските Девствени Острови и Британските Девствени Острови, но потоа тоа е повлечено.

Епицентарот на земјотресите бил во областа западно од Каракас. Силните потреси биле почувствувани низ целата земја, а брановите биле толку силни што ги вознемириле жителите на стотици километри оддалеченост во Богота, главниот град на соседна Колумбија.

Претседателката Делси Родригез изрази сочувство до жртвите и нивните семејства, но во своето прво јавно обраќање не го прецизираше точниот број на смртни случаи.

Американскиот геолошки завод (USGS) веќе издаде предупредување, наведувајќи дека се очекува исклучително голем број човечки жртви и огромна материјална штета и оти „се чини дека катастрофата е од големи размери“.

Así se vio el Terremoto en caracas VENEZUELA, La pastora se rumora que los temblores continuarán así que todos permanezcan en un lugar seguro y aseguren a sus familiares, DIOS TIENE EL CONTROL😖🙏🏽 pic.twitter.com/aeG9vB7oXT

— BAEZ👑 (@Baeztvshow) June 24, 2026

BREAKING: Multiple structures have reportedly collapsed in Caracas, Venezuela, following a powerful earthquake that struck the region. pic.twitter.com/9KSN4srhwB

— Breaking911 (@Breaking911) June 24, 2026

Venezuela de luto.-
Lamentablemente, así quedó el sitio donde se erigía el Hotel Eduard’s. Allí hubo varios muertos, familiares de beisbolistas, entre otros. pic.twitter.com/tWVVEkADS6

— ElObservadorBinario (@ObservadBinario) June 25, 2026