ОПАСЕН БИОЛОШКИ МАТЕРИЈАЛ ОД ВУХАН ПРИСТИГНА ВО САД Уапсена е кинеска научничка која го шверцувала

Американските власти објавија дека уапсиле кинески истражувач под обвинение за шверцување биолошки материјал во земјата, што е втор таков случај во последните денови, и двата поврзани со Универзитетот во Мичиген.

Според ФБИ, кинеска докторантка од Колеџот за биолошки науки и технологија на Универзитетот Хуаџонг во Вухан Ченгсуан Хан била уапсена во недела на аеродромот во Детроит.

Во пријавата се наведува дека Хан испратила четири пратки со прикриен биолошки материјал од Кина до членовите на лабораторијата на Универзитетот во Мичиген, каде што планирала да помине една година на истражувачки проект.

Властите тврдат дека Хан дала лажни изјави за содржината на пратките кога била испрашувана од федерални агенти по нејзиното пристигнување во САД од Шангај.

Се наведува дека материјалот што Хан наводно се обидела да го шверцува скриен меѓу страниците на книгата – е поврзан со тркалезни црви (кружни црви) и бара посебна владина дозвола за да се увезе во САД.

Хан моментално е во притвор и чека сослушување за кауција закажано за среда.

Кинеската амбасада во Вашингтон не одговори веднаш на барањето за коментар надвор од работното време.

Минатата недела, двајца кинески државјани беа обвинети откако ФБИ утврди дека едниот од нив се обидел да шверцува габа во САД, исто така за истражување на Универзитетот во Мичиген.

Едниот од нив, истражувач од универзитетот, беше уапсен и приведен, додека на другиот му беше одбиен влез во земјата минатата година и сè уште е во бегство.