🎥 БЕНИ БЛАНКО ОТКРИ КАКО ЈА ИЗНЕНАДИЛ СЕЛЕНА ГОМЕЗ ЗА РОДЕНДЕНОТ Наместо гламурозна прослава, романтично патување и кулинарска работилница за тестенини
Музичкиот продуцент Бени Бланко сподели на Инстаграм снимки од изненадувањето што ѝ го приредил на Селена Гомез за 34. роденден - од романтичното патување во Италија, уживањето во италијански специјалитети, вино и прекрасни пејзажи, до учеството на кулинарска работилница за тестенини
Музичкиот продуцент Бени Бланко им покажа на своите следбеници како со сопругата Селена Гомез го прославиле нејзиниот 34. роденден. Наместо раскошна забава, двојката избрала романтично патување во Италија и кулинарска работилница на која заедно подготвувале традиционални италијански специјалитети.
Бланко (38) на Инстаграм објави видео од нивниот одмор со опис: Да подготвиме италијанска гозба за роденденот на мојата сопруга.
На снимката се гледа како Селена ужива во готвењето – крши јајца, меси и развлекува тесто за домашна паста, додека Бени постојано ја бодри и со насмевка го следи секој нејзин чекор.
Освен тестенини, парот подготвувал и други италијански деликатеси, меѓу кои полнети цветови од тиквички и пармиџана од модар патлиџан.
Додека ја дегустира пармиџаната, Бланко не го крие воодушевувањето.
– Љубов моја, правиш најдобра пармиџана од модар патлиџан. Ова е најдоброто нешто што сум го пробал во Италија, а го направи ти – ѝ вели тој на Селена.
Таа низ смеа му возвраќа: Не, ти ја направи.
View this post on Instagram
Во видеото може да се види како двајцата уживаат во вино, вкусна храна и прекрасни италијански пејзажи, посетувајќи вили, градини и живописни локации. Во еден момент Бланко на шега го коментира погледот околу нив:
– Баш ужасен поглед.
На крајот од видеото, додека Селена се одмара по работилницата, тој тивко ѝ порачува:
– Среќен роденден, љубов моја. Те сакам.
Пред кулинарската авантура, Селена и Бени ја посетиле и Болоња, каде што вечерале во ресторанот „Траторија дела Санта“. Сопственикот на ресторанот, Рикардо Лели, изјавил дека славната двојка оставила одличен впечаток.
– Беа прекрасни, срдечни и исклучително пријатни. Ја пофалија храната и услугата. Навистина беа одлични гости – рекол Лели.
View this post on Instagram
Селена Гомез и Бени Бланко се венчаа на 27 септември 2025 година, речиси две години откако јавно ја потврдија својата врска.
View this post on Instagram