17-ГОДИШНИК ПРИВЕДЕН ВО СКОПЈЕ ПО ПРИЈАВА ЗА СИЛУВАЊЕ Пријавениот го демнел 15-годишното девојче и ѝ барал експлицитни снимки
По пријавата од мајката на 15-годишната девојка, полицијата го лишила од слобода 17-годишникот, а според пријавата тој потоа продолжил да ја демне и да бара од неа експлицитни снимки.
17-годишник од Скопје е лишен од слобода откако 40-годишна жена пријавила дека тој извршил обљуба врз нејзината 15-годишна ќерка.
Случајот бил пријавен во полиција, по што вчера, 29 септември, околу 16 часот, полициски службеници од СВР Скопје го лишиле од слобода малолетникот.
Можеби ќе ве интересира
Според пријавата, по настанот 17-годишникот продолжил да ја демне малолетничката и од неа барал да му испраќа експлицитни фотографии и снимки.
Од МВР информираат дека случајот се расчистува и дека по неговото целосно документирање ќе следува соодветна пријава.